Á aðalfundinum var støða tikin til at leggja saman við Norðstreymoyar Handverkarafelag.

Vestmanna Handverkarafelag hevði aðalfund tann 22. mars 2025. 1/3 av limunum møttu til fundin, so tað er at fegnast um.

Sitandi nevnd var øll afturvald. 

Aðalfundurin hjá Norðstreymoyar Handverkarafelag, sum var 10 dagar frammanundan, hevði tikið støðu til leggja saman við Vestmanna Handverkarafelag.

Vestmanna Handverkarafelag tók støðu til málið, og mælti aðalfundurin til at leggja saman. Vestmanna Handverkarafelag tekur sostatt yvir allar limir og ogn hjá Norðstreymoyar Handverkarafelag, og tað er frá 1. januar 2025 at rokna.

Væntandi fer samanlagda felagið at eita Norðstreymoyar Handverkarafelag.