Samráðingarnar millum Føroya Handverkarafelag og Landsfelag Handverkaranna øðrumegin og Kommunala Arbeiðsgevarafelagið og SEV og IRF hinumegin slitnaðu 28. apríl.

Samráðingarnar um nýggjan sáttmála hava staðið við síðan november í fjør, og higartil hava sjey samráðingarfundir verið.
Eitt av málunum, sum samráðst verður um, er, at tað skal ikki vera munur á lønunum alt eftir í hvørjum fakfelag handverkari er limur.

Semingsmaðurin er komin uppí samráðingarnar, og hann hevur kunnað seg um støðuna. Væntandi verða partarnir kallaðir hvør sær á fund við semingsmannin komandi dagarnar.

Tað eru Suni Simonsen, Heine Heinesen og Janus Atli Jensen, sum samráðast fyri Føroya Handverkarafelag, og eisini hava feløgini advokat við til samráðingarnar.